Notice: WP_Block_Type_Registry::register was called incorrectly. Block type names must not contain uppercase characters. Please see Debugging in WordPress for more information. (This message was added in version 5.0.0.) in /home/content/n3pnexwpnas02_data01/82/3680482/html/wp-includes/functions.php on line 4204

Notice: WP_Block_Type_Registry::register was called incorrectly. Block type names must not contain uppercase characters. Please see Debugging in WordPress for more information. (This message was added in version 5.0.0.) in /home/content/n3pnexwpnas02_data01/82/3680482/html/wp-includes/functions.php on line 4204
ማዕከናት ዜና ብዝደጋግመኦ ዜና ሓሶት: ዝቕየር ሕብሪ የለን. | ብዘርኣይ ሰሎሞን ዓባይ ብሪጣንያ – EriStaruk.com

ማዕከናት ዜና ብዝደጋግመኦ ዜና ሓሶት: ዝቕየር ሕብሪ የለን. | ብዘርኣይ ሰሎሞን ዓባይ ብሪጣንያ

0 5,737

Get real time updates directly on you device, subscribe now.

The MainStreamMedia -Misinformation

ወለዲ ክምስሉ እንከለዉ:- “ተዛረበለይ ኣይ ከም ኣፍካን: ግበረለይ ኣይ ከም ኢድካን: :” ኢሎም: : መሲልካ እንታይ ኣምጻእካ?
እንዲዩ! ኣፍ እንከለና ክንዛረብ: የእዳው እንከለና ክንንቀሳቐስ ካብ ከኣልናስ: ንምንታይ ናብ ተዛረቡልናን ግበሩልናን ንጽበ: :
ዝመስለና ካብ ደረት ሕግን ስርዓትን ከይወጻና: ሓሳባትናን መጽናዕትናን ዘይንጽሕፍ ካብ ዝብል መሰረት ኢየ ነዚ ምስላ ኣቕሪበዮ: :
ምኽንያቱ:- “ምስ ተወቓዕካ ምንጽርጻር: ዝብኢ ምስ ከደ ሓጹር ምሕጻር:” ፋይዳ ንስለ ዘይብሉ: :

 

ትማሊ: ሎሚ: ጽባሕ: ካብ ልቢ ዝነቐለ ክትዕ እንተዝጠማጠማ: ኣነ እሕይል: ኣይፋል ኣነ እባ ድኣ እንተዝበሃሃላ: መን ኮን
ምረትዐት? ርግጸኛ ኢየ ኣብ’ቲ ጥምጥም: ሎሚ ዘመና ኮይኑዋ እትዕምጸን ኮይኑ ይስመዓኒ: : ግዳ በብሸነኹ ነናተን ሓይሊ
ከይሃለወን ኣይተርፍን ኢዩ: : ከም ትማሊ ገይሩ ምስ ናይ ሎሚ ዝተጨበጡ ምንባር ዘራኽብ ክህሉ ኣይክእልን: : ከም ጽባሕ
ብተስፋ ንማዕዶ ዘጠምት ‘ውን የለን: : ኣብ ትማሊ ታሪኽ ይስራሕ: : ኣብ ሎሚ ሕሉፍ ይስነድ: : ኣብ ጽባሕ ከኣ ግዜ የርክብ: እቲ
ዝሓለፈ ግዳ ትዝታን ዝኽርን ውርሻን ይገድፍ: : ዓወት ገዚፍ ዓንኬል ኢዩ ዘለዎ: : ብዛዕባ ሰባት እንተኾይኑ: ሓደ ሰብ ኣብ ህይወቱ
ዕዉት ኢዩ ክትብሎ እንተ ድኣ ኮይንካ: ብውሑዱ ኣብ ጉዕዞ ህይወቱ በዳህቲ ተባሂሎም ንዝጥቀሱ ሓይልታት ዝመልኽ ክኸውን
ኣለዎ: : ብቐመር ህዝቢ ዝልካዕ ዓወት እንተኾይኑ ኸኣ: ንትምክሕቲ ዘይኮነ: ብህልው ውሽጣዊ ክውንነቱ ዓለም ፈሊማ ዳግማይ
ከተተግብሮ ዘይከኣ

- Advertisement -

ኤደን ሃብተሚካኤል

ለቶ ዘለኣለማዊ ዓወት ዝተጓናጸፈ ህዝቢ እንተሃልዪ: ሓደ ህዝቢ ጥራይ ኢዩ: : ንሱ ኸኣ ህዝቢ ኤርትራ ኢዩ: :
ካብ’ ዚ ቀረባ እዋን ንደሓር: ብሕልፊ – ገለ ማዕከናት ዜና ዓለም: ‘ዜና ሓሶት’ (Fake News) ይንዛሕ ከምዘሎን: ከም ሞያ ተታሒዙ
ኣብ ኣገደስቲ ጉዳያት ናይ ፈጠራ ወረ ዝዝርግሑ: ምንጭታት ተለኣኣኽቲ ዕሱባትን ይበራኸቱ ምህላዎምን ደጋጊመን ይሕብራ
ኣለዋ: : ዜና ሓሶት ከኣ: ኣብ ሓደ እዋን ማሕታ ሂቡ ዝቕህም ኣይኰነን: : ንሓያሎ ዓመታት ብሞያውያን ምንጭታት ክስረሓሉ
ዝጸንሐ ብምዃኑ: ምብዛሕ ምንጭታት ‘ዜና ሓሶት’: ከም ስነ-ኣእምሮኣዊ ውግእ: ወይ ኹናት ገይሮም ዝቘጽርዎ ወገናት ኣለዉ: :

ተለቪጅን ኣልጀዚራ: ንኩነተ-ኩነት ፖለቲካ ኤርትራ ኣመልኪታ እትዝርግሖም ዜናዊ ሓበሬታታት: ምንጫ ኣብ ባይታ ካብ ዘሎ
ክውንነታዊ ሓቂ ዝብገስ ዘይኮነስ: ኣብ ማሕፉዳኣ ካብ ዝኸዘነቶ ፖለቲካዊ ሕሳባት ዝብገስ ምዃኑ: ዝህረም ዘሎ ተርባጹ
ዝማህመነ ከበሮ ዜናዊ ሓሶት ህያው ኣብነት ኢዩ: : ባይቶ ጸጥታ ውድብ ሕቡራት ሃገራት ንባዕሉ: በቲ ብናይ ሓሶት ዜና ዝተፈብረከ:
ኤርትራ 2000 ሰራዊት ናብ ሶማል ሊኢኻ ዝብል ናይ ሓሶት ዜና: ክሳብ ናብ ዘይፍትሓዊ ዝተስገደድ እገዳ ዘብጽሐ ምዃኑ: ገና
ቐለሙ ዘይነቐጸ ናይ ትማሊ ጽዋ ኢዩ: :

FCO: ቤት ጽሕፈት ወጻኢ ጉዳያት ዓባይ ብሪጣንያ ኣብ ዘውጸኦ ናይ ዜናዊ ስትራተጂ ውጥን ስራሕ: ናብ ቢቢሲ ( BBC) ዝቐንዐ ናይ
20 ሚልዮን ወጻኢ ብምግባር: ኤርትራ ንእትርከበን 11 ሃገራት ዜናዊ ሸፈነ ክገብረለን ኣሚሙስ: ድሮ ጀሚሩዎ ኣሎ: : እዚ ዜናዊ
ናብ ኤርትራ ዝቐንዐ ሸፈነ’ ዚ ብቛንቛታት ትግርኛ ዝፍኖ ኾይኑ: ኣብ ራድዮ ትግራይ ኦን ላይንን ዝነጥፉ ዝነበሩ ሓሙሽተ ትግራዎት
ኣቢሉ ነቲ ናይ ቢቢሲ ትግርኛ መደብ ‘ ኳ እንተጀመሮ: ከም ቀዳማይ ዕላማ ናይ’ ቲ መደብ: ናብ ኤርትራ ዝቐንዐ ብምንባሩ: ነቲ
ኤርትራ እትኽተሎ ልምዓታዊ ዜናዊ ስትራተጂ ንምኽላፍን ምዝባዕን: ኤርትራን ኤርትራውያንን ኣብ ግዳም ይኹን ኣብ ውሽጢ:
ብሕጽረት ዜናዊ ሓበሬታ ይሳቐዩ ከም ዘለዉ ኣምሲልካ ብምድዋን: ነቲ ሕቡእ ኣጀንዳ ንምትግባር: ላህጃ ናይ’ ቲ ድሮ በቶም
ትግራዎት መደብ ትግርኛ ቢቢሲ ተባሂሉ ዝፍኖ መደብ: ብኤርትራውያን ተቐባልነት ክህልዎ ከም ዘይክእል ምስ ተፈልጠ: ቢቢሲ
ሓድሽ መደብ ፈነወ ትግርኛ ክምድብ ነይሩዎ: : ስለ ዝኾነ ኸኣ: ብኣላይነት ጋዜጤኛ ቢቢሲ ነበር ማርቲን ፕላውትን: ኣባል ፓርላማ
ዓባይ ብሪጣንያ ነበር ኪኖክ ( Ba r ones s Ki nnoc k of Hol y head) ኤርትራውያን ክነሶም: ኤርትራዊ ሃገራውነቶም
ዘህሰሱ: ብግዝያዊ ጥቕሚ ዝዓወሩ ሰባት ከናደዩ ነይሩዎም: : 

ጌና ኣብ ሚኒስትሪ ዜና ኤርትራ: መደብ ፈነወ ትግርኛ ቲቪ ኤረ እንዳ ሰርሐት እንከላ ኢያ: ብሕጋዊ መንገዲ: ብመንግስቲ ኤርትራ:
ብፍላይ ከኣ ብሚኒስትሪ ዜና ሓለፋ ተገይሩላ: ብወግዓዊ መንገዲ ንዓመታዊ ዕረፍቲ ናብ ሃገረ ጀርመን ንኽትበጽሕ: ብደረጃ
መንግስቲ ቪዛ ተሓቲቱላ: ምስ ህጻን ጓላ ሌላስ ኣለም ናብ ጀርመን በጺሓ ክትምለስ ዝተላእከት: :

ኢደን ሃብተሚካኤል ግን: ከም’ ቲ እምነት ዝተነብረላ ኮይና ኣይጸንሐትን: : በቲ ብሕጋዊ መንገዲ ናብ ጀርመን ዝመጸትሉ ቪዛ ናብ
ሃገረ እንግሊዝ ብምምራሕ: ኣብ እንግሊዝ ብመንግስቲ ኤርትራ ግፍዒ ከም ዝወረዳን: ኣብ ሚኒስትሪ ዜና ኣዝዩ ኣሰቃቒ ዝኾነ ናይ
ስራሕ ጸቕጢ ይካየደላ ከም ዝነበረ ብምምሳል: ናይ ሓሶት ዝተፈብረከ ታሪኽ ብምስራሕ ኢያ: ኣብ ዓባይ ብሪጣንያ ፖለቲካዊ
ዑቕባ ብምሕታት: ንቤት ጽሕፈት ስደተኛታት ዓባይ ብሪጣንያ ብምድንጋር: መንበሪ ስደተኛ ወረቐት ክትረክብ ዝኸኣለት: : ኤደን
በዚ ኣየብቀዐትን: ንድኹም ጎንታታ ዘስተብሃሉ ተጻባእቲ ተጓይዮም ክገናዘዉላ ግዜ ኣይወሰደሎምን: : እታ ብግዝያዊ ረብሓን
እዋናዊ ጥቕሚ ዝዓወረት ኤደን: ነቲ ብተጻባእቲ ኤርትራ ዝቐረበላ ጻዊዒት: ዓይና ከይሓሰየት ኢያ ተቐቢላቶ: : ክንዲ ዝኾነ ኸኣ:
ሓንቲ ‘ ‘ ጉዕዞይ ኣብ ስደት’ ‘ እትብል ቅንጥብጣብ መጽሓፍ ብምድላው: ነቶም ዘይውዳእ ዝመስል ጉንዖ ዝመጠዉላ ዓሎቕቲ
ንምሕጓስ: ነቲ ባዕሎም ኣዳልዮም ዝሃቡዋ ዝተሓናጠጠ መጽሓፍ ከም ኣቕራቢትን ጸሓፊትን ኮይና ከም እትስየመሉ: ስማ
ኣስፊሮም ኣብ’ ቲ ስደተኛታት ደቂ ኣንስትዮ ኣብ ጉዕዞ ህይወት ተባሂሉ ዝግበር ጽንብል ስማ ሰፊሩዎ: ንምድዋን ህዝብን መንግስትን
ሃገረ ኤርትራ ንኽጥቀምሉ ዝተሓባበረት: : እዚ ንህዝብን መንግስትን ኤርትራ ስሞም ንምድዋንን ምጥቃንን ክስርሓሉ ዝጸንሐ ዜና
ሓሶት: ብኤደን ሃብተሚካኤል ዝተፈለመ ኣይነበረን: : ኣቐዲሙ ንታሪኽ ሰውራ ኤርትራ ዘይምስሉ ንምትሓዝ: ኣብ ጀርመን ብሓንቲ
ኣብ ተጋድሎ ሓርነት ኤርትራ ጽባሕ ነይረ እትብል ሰናይት መሓሪ ዝተባህለት: ብጀርመናውያን ተደሪሱ: ብስም ሰናይት ተጻሒፉ
ዝተባህለ ፊልም ድራማ ‘ ውን ቀሪቡ ነይሩ ኢዩ: : 

ሰናይት መሓሪ

 

 

 

 

 

 

 

ብዘይካ እዚ ‘ ውን: ንሓንቲ ካብተን ናይ ሓሶት ዜናን: መጽሓፍ ሓሶትን ዘቕረበት መስትያት ቤትና እትብል ዘዳሉ ዘካርያስ
ክብረኣብ: ተመሳሳሊ መስርሕ ኣብ ጀርመን ዘካየደ ኢዩ::

ዘካርያስ ክብረኣብ

ኤደን ሃብተሚካኤል: ምስ ሌላስ ጓላ ናብ ጀመርን ክትወጽእ እንከላ: ሌላስ ጓላ ህጻን ኢያ ነይራ: : ‘ ‘ ስም ይመርሕ: ጥዋፍ
የብርህ’ ‘ እንዲዩ ነገሩ: ንምዃኑ ሌላስ ዝብል ስም ጓላ ትርጉሙ እንታ ኮን ይኸውን? እወ: እቲ ስም ብቛንቛ ኣምሓሪኛ ኢዩ ወጺኡ
ዘሎ: : ትርጉም ሌላስ ብትርግኛ: ካልእከ? ከም ማለት ኢዩ: : ካልእ ድኣ ‘ ሞ:- ብዙሕ! ብዙሕ! ኣሎ: : ኤደን ሃብተሚካኤል ሎሚ
ሓንቲ ካብተን ኣብ ናይ ሓሶት ዜና ተዋፊራ ትሰርሕ ዘላ ምዃና: ሓደ ካብ’ ቲ ሎሚ እንዛረበሉ: ሌላስ! ማለት ካልእከ? ዝብል ዛዕባ
ኢዩ: : ሕሜታ ‘ ኳ ክጸናብር እንተዘይደለኹ: ኣብ ግዜ ህውተታ ተስፋማርያም ወዲ ቫካሮ: እታ ብድሕሪ ወዲ ቫካሮ ኮይና ተውጠጢ
ዝነበረት ኤደን ሃብተሚካኤል ምንባራ: ንዓይኒ ህዝባዊ ግምባር ዝተኸወለ ኣይነበረን: : ሞት ድኣ ቀዲምዎ ‘ ምበር: ወዲ ቫካሮ
ንኤደን ሃብተሚካኤል ምስ ጓላ: መንበሪ ገዛ ክዕድገለን ኣብ መስርሕ ከሎ ኢዩ ሞት ቀዲማቶ: : ሌላስ? ምስ ወዲ ቫካሮ ዘለዋ
ምትእስሳር: ካልእከ? ከይተስዕበልና: :

FCO: ቤት ጽሕፈት ወጻኢ ጉዳያት ዓባይ ብሪጣንያ: ናይ 20 ሚልዮን ወጻኢታት ብምግባር: ዜናዊ ሸፈነ ናብ ኤርትራ
እትርከበን ሃገራት ንቢቢሲ ክምውል !

እንከሎ: ነተን ምስ ኤርትራ ዝጠቐስወን ሃገራት: ናይ በለጽን ናይ ጥቕሚ ሕላገትን ዘሎዎም ተጻባእቲ ህዝብን መንግስትን ኤርትራ
ምዃኖም ዝተመስከረሎም ባእታታት ኢዮም ክቖጽሩ መዲቦም: : ኤደን ሃብተሚካኤልን ሳሙኤል ገብሪሂወትን ኣብ ናይ ቀረባ
ተመዛዚ ሳንዱቕ ተመዝሒቆም ክቐርቡ ዝተገብሩ: ንምዃኑ እቲ ኤደን ሃብተሚካኤል ካብ ሃገር ንኽትወጽእ ዝተዋህባ ሕጋዊ ቪዛስ
ክቐርብ ዶ ይኽእል?

ብዓጀባ ምበር ቅዳሕ ተመልከት: Click to Enlarge

ኣብ’ ዚ ሕጂ እዋን: መንግስቲ ብሩንዲ ብወግዒ ንሽዱሽተ ወርሒ: ንፈነወ ድምጺ ኣሜሪካን ፈነወ ቢቢስን ኣብ ሃገራ ከይስማዕ
ኣጊዳተን ኣላ: : መንጾሮር ኮይኑዋ ዘሎ ወያነ ‘ ውን: ንመደበር ድምጺ ኣሜሪካ: ናብ ሃገራ ከይስማዕ ክንደይ ግዜ ጃም ንምግባር:
ሓይል ፈተነታት ከም እተካይድ: ናይ ኣደባባይ ሚስጢር ኮይኑሉ ኣብ ዘሎ እዋን: ሕቡራት መንግስታት ኣሜሪካ ‘ ውን: ንመደበር
ቴለቪጅን ኣልጀዚራ ክትዕጾ: ወይ ክትርገጥ: ናብ መንግስቲ እታ ሃገር ክንደይ ግዜ ደብዳቤታት ከም ዝተጻሓሓፋን: ናይ ቃላት
ምውርዋር ከም ዘካየዳን: ኣብ ማዕከናት ዜና ክንሰምዖ ዝጸናሕና ሓቂ ኢዩ: :

እቲ ብህዝቡን መንግስቱን ዝሕበን ህዝቢ ኤርትራ ግን: ብዝቐረበ መንገዲ ይቕረብ: ነቲ ናይ ሓሶት ዜናን ወረን ኣቓልቦ ሂቡ
ሓሚሙሉ ኣይፈልጥን: : ሕጂ ‘ ውን ኣነ: ስለ ዝሓመምክሉ ኣይኮንኩን ብጽሑፍ ዝውቅጠሉ ዘለኹ: እንታይ ድኣ: ነቲ ቢቢሲ (BBC)
ኣብ ኤርትራ ሕጽረት ሓበሬታ ኣሎ ኢሉ: ኣድብዮም ንዝጸንሑ ናይ ፖለቲካ ዓሎቕቲ: ስምዒት ህዝቢ ናብ ዕላማኦም ንምቕያር
ክጥቀሙሉ ከም ዝኽእሉ ኣብ ግምት ብምእታው: ንምቅልዑ ዝዓለመ ኢዩ መልእኽቲ ጽሑፈይ: : እንተዘይኮይኑ መንግስቲ ኤርትራ:
ኣብ ልምዓታዊ ዜናዊ ስትራተጂ ዝተሰረተ መትከል ተኸቲሉ መደባቱ ስለ ዘተግብር: ኣብ ኤርትራ ሕጽረት ሓበሬታ ዝብሃል የለን: :
ብዝኾነ ኣካል ዝመሓላለፍ ናይ ሓሶት ዜና ይኹን ካልእ ዝተቐናበረ: ኣብ ውሽጢ ኤርትራ ዘሎ ህዝቢ ኩሉ ኢዩ ዝሰምዖ: :

ንምዃኑ: እዚ ሳክትዚም ዝብሃል ሰብ መን ኢዩ: : መንነቱ ክቃላዕ ዘለዎ ወዲ ሕድርትና ኢዩ: : ሓቀኛ ስም ሳክትዚም: ግርማጼን
ባይራይ ይብሃል: : ትውልዱ ዓዱ ከባቢ ካርነሽም ኮይኑ: ኣብ 1984 ናብ ህዝባዊ ግምባር ሓርነት ኤርትራ ዝተሰለፈ ግርማጽዮን
ባይራይ: ግቡእ ወትሃደራዊ ታዕሊምን ፖለቲካዊ ትምህርትን ድሕሪ ምቕሳሙ: ኣብ እዚ ግምባር ናቕፋ: ቤት ጽሕፈት መስፍን
ሓጎስ: መጀመርያ ከም ማሕዮ: ኣብ ዝቐጸለ ኸኣ: ከም ሓለዋ ኮይኑ ክሳብ ዕለተ ነጻነት ድሕሪ ምግልጋሉ: ኣብ እዋን ነጻነት ድሕሪ
ዝተኻየደ ናይ ሓድሽ ናይ ሰባት ምደባ: ኣባል ሓለዋ ቤት ጽሕፈት ፕረዚደንት ኢሰያስ ኣፈወርቂ ኮይኑ ዝመጸ ኢዩ ግርማጼን
ባይራይ: :

ግርማጼን ባይራይ (ሳክትዚም): ኣብ 2009 ብስራሕ ናብ ቐጠር ምስ ተንቀሳቐሰ ኢዩ: ኣብ ቐጠር ናብ ዝርከብ ኤምባሲ ኢትዮጵያ
ኢዱ ዝሃበ: : ገዚፍ ዓሳ ዝጀለበ ዝመሰሎ ወያነ ኸኣ: ንግርማጼን ባይራይ (ሳክትዚም) ተቐቢሉ ቓለ-መሕትት ኣብ ዝገበረሉ እዋን
ዝሃቦ ሓበሬታ: “ህዝቢ ኤርትራ ብሓለንጊ ጥሜት እንዳተገርፈ እንከሎ: ኣብ ኣስመራ ስጋ ከም መድሃኒት ኣብ ዝቑጸረሉ ዘሎ ግዜ:
ፕረዚደንት: ንሓለዋ ዝኾነኦ 20 ደማሙ ብምፍራይ: መዓልታዊ 40 ኪሎ ጮማ ስጋ ብትእዛዝ ከም ዝቐርበለን ይገብር ኣሎ:” ክብል
ኢዩ ናይ ፈለማ ምህዞኣዊ ሓሶት ዜና ዝዘርገሐ: : ሎሚ ከኣ ግርማጼን ባይራይ (ሳክትዚም): ከም መጸዊዒኡ (ሳክትዚም):- ናይ
ብሓቂ መሬት ተጸለልለይ በሊ: ጽላለ ምሽ ጽባቐ ኢዩ: :
ቢሕቖይ ቢሒቑ: ከይስንክቶ ሓቒቑ:
ባዕለይ ዝሰቐልክዎ: ካን ከይዱ ሪሒቑ:
ፍሩይ ንፋሰይ ከየሟመቐኒ ደቒቑ: : እንዳበለ:- ወያነ ካብ’ ቲ ኣጻጽየ ረኺበዮ እትብሎ ሓበሬታ ብምውስሳብ: ነቲ ከም መነባበሪ
ስራሕ ሒዝዎ ዘሎ ኣማኒኤል ኢያሱ ራድዮ ሓሰና ብምውህሃድ: ወያነ ብዝሃብው ዝነብሩ መምርሒ ብሓባር ዝሰርሑ ኢዩም።

ማርቲን ፕላውት ጋዜጤኛ ቢቢሲ ነበር: ኣባል ፓርላማ ዓባይ ብሪጣንያ ዝነበረት ኪኖክ (Ba r ones s Ki nnoc k ) :
ንሳሙኤል ገብሪሂወትን ኤደን ሃብተሚካኤልን ናብ መደብ ፈነወ ትግርኛ ቢቢሲ BBCከስርሕዎም እንከለዉ: እቲ ዳንኬራ

ማርቲን ፕላውት ጋዜጤኛ ቢቢሲ ነበር: ኣባል ፓርላማ ዓባይ ብሪጣንያ ዝነበረት ኪኖክ (Ba r ones s Ki nnoc k ) :
ንሳሙኤል ገብሪሂወትን ኤደን ሃብተሚካኤልን ናብ መደብ ፈነወ ትግርኛ ቢቢሲ BBCከስርሕዎም እንከለዉ: እቲ ዳንኬራ

ነቲ ኣብ ልዕሊ ኤርትራ ዝካየድ ናይ ሓሶት ዜናታት ንምፍብራክን: ንዘየለ ጉዳያት ኣነጺርካ ምድማቕን ኢዩ ነይሩ:: እቲ
ዕላማ ንምዃኑ ነቲ ናይ ቢቢሲ ( BBC) መደባት ጽሑፍ መን ኢዩ ዘዳልዎ ዘሎ? ብሓደ ነጻ ኣካል ዲዩ ዝዳሎ ዘሎ?
ኣይፋሉን: :

ሳሙኤል ገብሪሂወት

እቲ ምድላው: ተጸጽዩ ብሳሙኤል ገብሪሂወት ኢዩ ዝዳሎ ዘሎ: : ነዚ ንምድማቕ ከኣ: ኩሎም እቶም ጫፍ ኣጻብዕቶም ጥራይ
ዘይኮነ: ሕብሪ ደሞም ከይተረፈ: ኣንጻር ህዝብን መንግስትን ኤርትራ: ኩለንትናዊ ተጻብኦታት ዝሰርሑ ዑሱባት: ወትሩ
ብቕድሚት ምስ ተሰርዑ ኢዮም: : እዚ በብሸነኹ ብዝተወሃሃደ መንገዲ: ኣብ ልዕሊ ኤርትራ ዝካየድ ዘሎ ዜና ሓሶት: ኣብ ካናዳ
ብዝመደበራ ጋዜጣ ፍትሒ ብኣሮን ብርሃነ: : ብዶብ ኣልቦ ጋዜጤኛታት እትመሓደር: ኣብ ፈረንሳ ዝመደበራ ብጋዜጤኛ ቲቪ ኤረ
ዝነበረ ብንያም ስምኦን እትካየድ ራድዮ ኤረና: : መለቀብታ ናይ ራድዮ ኤረና ኮይና እትነጥፍ ሾው ቲቪ ካብ ጀርመን: ወይኒ
ሱሌማን: : ካብ ማእከል መደበር ወያነ እትፍኖ: ብወያነ እትምወል ተስፊት ኣብርሃ ዘመሓድራ ኣለና ቲቪ: : ካብ’ ቲ ብዙሕ
ሒደት ዝርዝር: ናብ ኤርትራ ዝቐንዐ ዜና ሓሶትን: ድራማዊ መልክዓትን ቃለ መሕትታትን ዘካይዳ መደበራት ኢየን: :

ንምዃኑ ካብቶም ቢቢሲ ዘስርሖም ዘሎ ሰባት ሳሙኤል ገብሪሂወት መን ኢዩ? ሳሙኤል ገብሪሂወት: ኣብ 1981 ናብ ህዝባዊ
ግምባር ዝተሰለፈ ኮይኑ: ድሕሪ ነጻነት ኣብ ሚኒስትሪ ዜና ምድላው ጋዜጣ ተመዲቡ ዝነበረ ተጋዳላይ ኢዩ: : ሳሙኤል ገብሪሂወት
ክቱር ስስዐ ዘለዎ: ብባህሪኡ ብስስዐ ዝዓወረ: ንጥቕሚ ክብል ድሕር ዘይብል ፍጥረት ኢዩ: : ሳሙኤል ብጽኑዕ ምስ ሓመመ:
ሚኒስትሪ ዜናን ማእከላይ ቤት ጽሕፈት ህግደፍን: ተሓኪሙ ንኽምለስ ብማለት ናብ ወጻኢ ሃገር ናብ ጣልያን: ኣብ 2002 ምስ
ተላእከ: ክሳብ እታ ረብሓ ገንዘብ ዝረኽበላ ኣጀንዳ ዝሰርዕ: ምስ ዘለዎ ባህሪ ንብዙሓት ደቂ ኣንስትዮ ኣብ ሃገረ ጣልያን: ክኾነክን
ኢየ ብማለት ብገንዘበን ዝነብር ዝነበረን: ኣብ ፈቐዱኡ ቅሙጣት ኣንስቲ ዘጻጺ ዝነበረ ኣብ ርእሲ ምዃኑ: ድሕሪ 2009 ምስግዳድ
እገዳ ህዝብን መንግስትን ኤርትራ: ሓንሳብን ንሓዋሩን ዘብቅዑ መሲሉዎ: ናብ ደምበ ወቐርትን ጠቐርትን ዝተጸምበረ: እዱድ ስሰዐ
ዘለዎ: ምእንቲ ርውየት ስሰዐኡ: ህዝብን መንግስትን ሃገርን ኣብ ዋጋ ዕዳጋ ዘእቱ ዘሎ በለጸኛ ኢዩ: : ሳሙኤል ገብሪሂወት
ብጉልባብ ምትእኽኻብ ተጋደልቲ ኣብ ዓባይ ብሪጣንያ: ተጋደልቲ ኣኪቡ: ብስም ተጋደልቲ ካብ መንግስቲ ዓባይ ብሪጣንያ ድጎማ
ገንዘብ ብምሕታት: ጁቡኡ ዘኻዕብት: ኪኖ ጁቡኡ ምምላእ ዝኾነ ቅንጣብ ስቅያት ህዝቢ ኤርትራ ዘየሕሙሞ: ‘ ‘ ክበልዕ ዝደለየ
ገደል ኣፉ’ ‘ ከም ዝብሃል: ብወያነ ንኽምወል ጥራይ ዘይኮነ: ንእከይ ስርሓቱ ብሃይለ መንቆርዮስ ተባሪኹሉ: ኣብ እዋኑ መሳርሒ
ነቶም ዝተኣኻኸቡ ስብርባር መንእሰያት ጉጅለ ኣዋሳ መጸገኒ ክኾኖም ብማለት: ካብ ደሞዞይ ኢሉ ሃይለ መንቀርዮ 250, 000
ዶላር ዝወፈየሎም እዋን: ካብ ዝተማቐሉን ዝተኻፈሉን ናይ ኣዋሳ መሰልቱ ድርቂምቃም ገንዘብ ዝሃይማኖቶም ኢዩ ሳሙኤል
ገብሪሂወት: :

ሳሙኤል ገብሪሂወት: ኣቐዲሙ ምስ ራድዮ መድርኽ ክነጥፍ ዝጸንሐ ኮይኑ: ናብ ራድዮ ቢቢሲ (BBC): ብሕርያ ፖለቲካዊ
ዝናብለኡ ተመዚኑ: ልክዕ ከም ኤደን ሃብተሚካኤል ብሕርያ: ብመንገዲ ማርቲን ፕላውትን ኪኖክ: ነቲ ዝድለ ዘሎ ዕላማ
ንምውቃዕ ተባሂሎም ዝተቖጽሩ: : ኣብዚ ሕጂ እዋን ኣብ ከንያ (Nai robi ) ኮይኖም ነቲ ናይ ቢቢሲ (B B C) መደባት ዘመሓላልፉ
ዘለዉ ኢዮም: : መደባት ፈነወ ቢቢሲ ናብ ኤርትራ: ኪኖ ዓሎቕን ሓሶት ዜናን ካብ ምዃን ሓሊፉ: ካልእ ዝፍይዶ ፋይዳ ኣይክህልዎን
ኢዩ: : ህዝቢ ከኣ ነዚ ብዝግባእ ክግንዘቦ ኣለዎ ይብል: :

ሎሚ ሳሙኤል ገብሪሂወትን ኤደን ሃብተሚካኤልን: ያኢ ንጽምኢ ሓበሬታ ህዝቢ ኤርትራ ከርውዩ ተባሂሎም: ኣብ ቢቢሲ ፈነወ
መደብ ትግርኛ ክሰርሑ እንከለዉ: ካብ ዝመሓላልፉዎ ዘሎ ጽሑፋት: ነቲ ወያነ ባዕሉ ዓው ኢሉ ከድምጾ ዘይከኣለ: ንስምምዕ
ኣልጀርስ ዝቕይር ሕቡእ ኣጀዳ ወያነ: ብጉልባብ ህዝቢ ምስ ህዝቢ: ነቲ ወያነ ብበዓል ፕሮፌሰር በረኸት ሃብተስላሴን: ፕሮፌሰር
ተስፋጼን መድሃኔን ዘጓውሕዎ ዘለዉ: : ሕቶ ኣንድነት: ምልሓቕ ኤርትራ ናብ መግዛእቲ: ድራማዊ መልክዕ ብዘለዎ ጽሑፋት
ዘጋውሑ ዘለዉ ኢዮም: :

ገለ ዝተገርሁ ኤርትራውያን: በቲ ቢቢሲ (BBC) ዝብል ዕብየትን ስም ተደናጊሮም: ከም በዓል ህቡብ ድምጻዊ ኢሰያስ ደበሳይ ቃለ
መሕትት ገይሮም ኢዮም: : ኢሰያስ ደበሳይ ግን: ነቲ ውዲት ናይ ቢቢሲ መደብ ትግርኛ ኣይተገራሃሉን: : ኣገናዕ ዘብል መልሲ ሂቡ
ኢዩ ቀቲልዎ: : እቶም ሃገራውያን ኤርትራውያን ኣብ ምንታይ ንቐርብ: ምስ መን ቃለ መሕትት ንገብር ምፍላጥ ከድልየና ኢዩ: : ኣብ
ቱርኪ ተመዲቡ ዝነበረ ብኣስራር ቶቲል ዝተሓስበ ፌስቲቫል: ዕላማኡ እንታይ ምንባሩን: ንኽንደይ ግሩሃት ናይ ምግጋይ መስርሕ
ከም ዝነበሮን: ናይ ትማሊ ተዘክሮ ኢዩ: : ፈነወ ትግርኛ ቢቢሲ ‘ ውን ብጉልባብ ህዝቢ ምስ ህዝቢ: ብመዝሙር ሰላም ዝብል
መደብ: ገርሀኛታት ንምግጋይ እዱድ ዘመተ ተተሓሒዝዎ: ናይ ሓሶት ዜና ንምዝርጋሕ: ኣብ መደብ ከም ዘሎ ምፍላጥ ኣገዳሲ ኢዩ
ይብል: :

ኣብዚ ናይ ሓሶት ዜና: ናይ ሓበሬታ ሓቅነት ዘረጋግጻ መርበባት ሓበሬታ: ነቲ ኰነ ተባሂሉ ዝተዘርገሐ ዜና ሓሶት ኣብ ምቅላዕ ግደ
እኳ እንተነበረን: ምስ’ ቲ ዋሕዚ ሓበሬታታት: ናብ ህዝቢ ከይበጽሐ ኣብ ምብርዓኑ ከበርክተኦ ዝኽእላ ዕድላት ጸቢብ እዩ ነይሩ: :
ዜና ሓሶት ካብ ናይ ዳእላን ጭርቃንን ዜናታት ዝተፈልየ: ናብ ፖለቲካዊ ወይ ቁጠባዊ መኽሰብ ዝጠመተ: ሓቂ ዝመስል: ገለ
ወገናት ንምግጋይ ተባሂሉ ፍሉጥ ሸቶ ካብ ዘለዎም ምንጭታት ዝፍኖ እዩ: : እተን ናብ ኤርትራ ዝቐንዐ ናይ ሓሶት ዜና ማእከላት
ከኣ: መኸስበን ኣብ መርበባተን ካብ ዝበጽሑ ሰማዕተንን: ተኸታተልተንን ኢዩ: : እዚ ኸኣ ላይክ ብምግባር ዝረኽበኦ ናይ እትዋት
መስርሕ ኢዩ ዝካየድ: : ነዘን ናይ ሓሶት ዜና ማእከላት ከኣ: ህዝቢ ኤርትራ ካብ ምስዓበንን ምክትታለንን ኢዱ ከሕጽር ጥራይ ኢዩ
ዘለዎ: :

ህዝቢ ንምልዕዓል፡ ኣብ ህዝቢ ጸላዊ ስምዒት ንምሕዳር፡ ጌጋ ሓበሬታ ብምሃብ ጌጋ ውሳነን ድልየትን ከምዝፍጠር ንምግባር:
ማዕከናት ዜና ሓሶት ቈይመን ንሓያሎ ዓመታት ክሰርሓ ምጽንሐን ፍሉጥ ኢዩ: : እቲ ምንጪ: ናይ ዝዀነ ሻራ ዘይብሉ ንጹህ ማዕከን
ሓበሬታ መሲሉ ስለ ዝቐርብ: ቀልጢፍካ ከተለለዮ ኣጸጋሚ እዩ ኣብ መንጎ ስጳኛን ኣመሪካን ኣብ 1889ዝተወለዐ ውግእ: ዘይጭቡጥ
ሓበሬታ ብዝዝርግሑ ጋዜጣታት ካብ ዝተጻሕፈ ዜና ዝተበገሰ ምዃኑ መዛግብቲ የረድኡ: : ኣብ ዘመንና እውን: ከም ምንጪ ናይ
ሓሶት ዜና ዝርቍሑ ዓበይቲ ማዕከናት ዜና ምዕራብ ኣይተሳእኑን: : ብፈይስቡክ ዝተዘርገሐ ናይ ሓሶት ሓበሬታ: ኣብ ውሽጢ ቍሩብ
ሰዓታት ብኻልኦት እናተቐድሐ: ናብ ዓበይቲ ማዕከናት ዜና ክበጽሕ ይኽእል: : ካብ ጋዜጣዊ ስነ-ምግባር ወጻኢ ዝዀነ ልምድታት:
ዘበናውያን መራኸቢ ብዙሓን ቅድሚ ምምሃዞም: ንኣማኢት ዓመታት ክረኣዩ ጸኒሖም እዮም: : ናይ ፈጠራ ዜናታትን ልብ-ወለዳዊ
ቃለ-መሕትታትን: ከም’ ቲ ኣማኑኤል ኢያሱ ኣብ ራድዩኡ ራድዮ ሓሰና: ኣብ 2009 ካብ ውሽጢ ኣስመራ ኢሉ ዘመሓላለፎ ናይ
ፈጠራ ቃለ-መሕትት: ከም ናይ ሓቂ ኣምሲልካ ምቕራብ: ኣብ ዙርያ ውልቀ-ሰባት ዝተጋነነ ብቕዓትን: ፍሉይ መንነትን ፈጢርካ
ምዝርጋሕ ካብ ቀደም ኣትሒዙ ክረአ ዝጸንሐ እዩ: :

ኣብ’ ታ ልምዓታዊ ዜናዊ ስትራተጂ እትኽተል ኤርትራ ግን: እዚ ልዕል ክብል ዝተጠቕሰ ዜናዊ ሓሶት ኣይሰርሕን ኢዩ: : ህይወት
እናቖረጽካ: ህይወት ኣይጥጥዕን ኢዩ: : ነዛ ኤርትራ: ኤርትራ! ኤርትራ! ንኽትሽትት ኣብ ዝካየድ ዝነበረ ቓልሲ ንዓወት ዘብጽሐ:
ዓለም ሃኒጻ ዘይሰርሓቶ ብረት እንተነይሩ: ሓድነትን ጥምረትን ህዝቢ ኤርትራ ኢዩ: : በቲ ዘይብልና ዲና ንሓስብ ዘለና: ዋላስ በቲ
ዘሎና ኢና ንመዝን ዘለና: ወይ ‘ውን ብኽልቲኡ: ነስተብህል’ሞ ለይትን መዓልትን በቲ ዘይብልና ነገር ስለ ዘማረርና እንታይ
ከነተግብር ንኽእል?

ብዛዕባ ዘይብልና ነገር ቅድሚ ምሕሳብና ብዛዕባ ዘለና ነገር ምስትንታን ግን ኣዝዩ ጠቓሚ ይመስለኒ: : እንሓንሳብ ምሉእ ግዜና
ብዛዕባ ዘይብልና ነገር ጥራይ ክንሓስብ ነሕልፎ’ሞ: ነብስና ኸኣ ዋል ሓንቲ’ኳ ዘይብላ ባዶ ፍጥረት ኮይና ትስመዓና: : ቅድም
ቀዳድም ብዛዕባ ዘለና’ሞ ንሕሰብ: : ነቲ ዘለና ‘ውን በቲ ህልው ክውንነቱ መዚንና ንወግኖ: : ምኽንያቱ ሓሳብ ቀንዲ ምንጪ ሓይሊ
መጻኢና ስለ ዝኾነ: : ቅድም ብዛዕባ ዘለና’ሞ ንሓስብ: ደሓር ዘገም ኢልና ናብ’ቲ ዝተረፈና ንሰግር: : ንወዲ ሰብ ንድሕሪት ዝመልሶ

ረቛሒታት እንተሃልዩ: ኣቐዲሙ ኣብ ክንዲ ብዘለዎ ጸጋታት ኣስፊሑ ዝሓስብ: ወትሩ ብዛዕባ ዘይብሉ ጸቢብ ሕልማዊ ኩነታት
ዝሓስብ ምዃኑ ኢዩ: :

ትማሊ ነዚ ሓድነትን ጥምረትን ህዝቢ ኤርትራ ንምፍራስ: ከም ዘይንደል እምኒ ዓረ ተሪር እንተነይሩ: ሎሚ ፈርከሽከሽ ንኸተብሎ
ምሕላን ጥራይ ዘይኮነ: ምሕሳቡ ‘ውን ከንቱ ናይ ከንቱነት ፈተነ ኢዩ: :

ምኽንያቱ: ህዝቢ ኤርትራ ኣብ ናይ ግዜ ትሕዝቶ ኢዩ ተፈጢሩ: ግዜ ባዕሉ ከም ፈለግ ተሰኪምዎ ኢዩ ተጓዒዙ: እቲ ፈለግ ግን
ህዝቢ ኤርትራ ባዕሉ ኢዩ ነይሩ: : ግዜ ዝውሕጦ ዝነበረ ነብሪ ኢዩ ነይሩ: እንተኾነ ግን እቲ ነብሪ ባዕሉ ህዝቢ ኤርትራ ኢዩ ነይሩ: :
ግዜ ዘህልኾ ባርዕ ሓዊ ኢዩ: እቲ ባርዕ ሓዊ ግን ባዕሉ ህዝቢ ኤርትራ ኢዩ ነይሩ: :

ኩሉ ነገር ግዜ ኢዩ ዝጠልብ: : ንሱ ኸኣ እቲ እንኮን ሓቀኛን ኩነት ኢዩ: : ኩሉ ስራሕ ኣብ ስርዓተ ግዜ ይፍጸም: : ግዜ ድማ
ይጥቀም: : እንተኾነ ሰባት: ነዚ ኣገዳሲ ዘይትካእን ብርቅን ዝኾነ ሃብቲ: ኣብ ቁጽሪኳ ኣየእትዉዎን: : እቶም ዕውታት ኣካየድቲ
ስራሕ ግን: ብዘይካ ኣብ ግዜ ዘለዎም ፍቕርን ኣተኣላልያኡን: ካልእ መፍለዩ ረቛሒታት የብሎምን: :

ነቲ ናይ ትማሊ ዝነበረ ግዜ: ብትማሊኡ ኣቐሚጡ ዝተማህረሉ ህዝቢ እንተሃልዩ: ሓደን እንኮን ህዝቢ ኤርትራ ኢዩ: : ዓለም ብዓለማ
ብዘይ ዙርያ ምላሽ እናተበራረየት ክትድህኮ እንከላ ኣጆካ ዝበሎ ሓይሊ እንተነይሩ: ንያቱ! ጽንዓቱ! ተወፋይነቱ! ጅግንነቱ! መኸተኡ!
ኩለንትናኡ! ኣብ ልዕሊ በሪኽ ናይ ዝበረኸ ተኾይጡ ዝተረባረበሉ እንተነይሩ: ዘይክማህን! ዘይንቕነቕን! እንኮ ሓድነቱ ኢዩ ነይሩ: :
ሓድነቱ ኣብ ብዙሕነቱ ወሪቑ: ግርማኡ ዘጸበቐን: ሉኡላውነቱ ኣብ ማሕበረ-ሰብ ዓለም ዘረጋገጸን ህዝቢ ኢዩ! ህዝቢ ኤርትራ! ! !: :

ግጉይ ሓበሬታ ብስዉራት መደበራት ጥራይ ኣይኰነን ዝዝርጋሕ: : ብዓበይቲ ናይ ዝማዕበላ ሃገራት ትካላት እውን ብግሁድ ይፍኖ
እዩ: : ገለ ኣብ ምትህልላኽ ዝርከባ ዓበይቲ ሃገራት እውን: ናይ ሓበሬታን ጸረ-ሓበሬታን መደበራት ኣለወን: እቶም ብመደብ ኣንፈትካ
ዘስሕት መጋገዪ ሓበሬታ ዝዝርግሑ ጉጅለታት: ወይ ውልቀ-ሰባት: ኣድራሻኦም ብቐሊሉ ስለ ዘይርከብ: ትሮልስ (ኣጋንንቲ)
እናተባህሉ ይጽውዑ: : መብዛሕትኡ ግዜ ትሮልስ ዝዝርግሕዎ ሓበሬታ: ናብ ነድርን ቁጠዐን ዝድርኽ ጸርፍን ምንሻውን ዝሓዘለ
እዩ: :

ኣብ መደምደምታ: እቲ ልምዓታዊ ዜናዊ ስትራተጂ ዝኽተል መንግስትን ህዝብን ኤርትራ: በዚ ከይፈለመ ዝበርዓነን ዝተሳዕረን ናይ
ሓሶት ዜና: ዝርዕዱን ዝሻቐሉን: ኣድህቦ ሂቦም ላዕልን ታሕትን: ተኣንጎት ተሸብሸብ ዝብሉሉ ጉዳይ ዘይምዃኑ ከነጽር እንከለኹ:
እቲ ብመትከል ዜናዊ ልምዓታዊ ስትራተጂ ተመሪሑ ዝሰላሰል ዘሎ ኩለንትናዊ መዳያት ልምዓትን ህንጸትን ብልጽግናን ኤርትራ:
ሕመረቱ ካብ ህዝቢ! ንህዝቢ! ብህዝቢ! ክሳብ ዝኾነ: ዘሻቕል ጉዳይ የብሉን: : ንህዝቢ ግዳሴ ከሕድረሉ ምግባር ከኣ: መሰረት
ዜናዊ ልምዓታዊ ስትራተጂ ዝኽተሎ: ናይ ንቓሕ!!! ተወደብ!!! ዕጠቕ!!! መሰረት ሕመረት ቃልሲ ህዝቢ ኤርትራ ህዝባዊ
ግምባር ኢዩ: :

- Advertisement -

Get real time updates directly on you device, subscribe now.

- Advertisement -

Comments
Loading...

This website uses cookies to improve your experience. We'll assume you're ok with this, but you can opt-out if you wish. Accept Read More